Imtixaankaas oo maalmihii lasoo dhaafay uu socday Ardaydaas, ayaa si kama dambeys ah uu fariisteen Imtixaanka, waxaana Ardaydaas ay ahaayeen kuwa aad ugu faraxsanaa gaba gabada Imtixaanka iyadoo ay isla dhexmaraayeen Hambalyo iyo Bogaadin.

Gudoomiyaha Waxbarashada gobolka Bari Maxamed Caynab oo goobjoog ka ahaa maanta Jaamacadda, waxaana uu soo jeediyey Ardada iyo Macalimiinta Jaamacadda Hambalyo iyo Bogaadin Sare.

Waxaana uu ku dheeraaday muhiimadda ay leedahay Waxbarashada, isagoo ugu baaqay Ardayda Jaamacadda ay noqdaan kuwa wax uu tara Bulshadooda mustaqbalka dhow.

Gudoomiyaha ayaa sidoo kale hambalyo balaaran ujeediyey Masuuliyinta Jaamacadda Muqdisho, waxaana uu sheegay in ay talaabo wanaagsan ku dhaqaaqeen tan iyo markii ay xarun ka furteen magaaladda Bosaaso.

Sidoo kale Gudoomiyaha Jaamacadda Muqdisho Professor. Cali Sheikh Ahmed ayaa ugu hambalyeeyay ardayda jaamacadda munaasabadda dhamaadka semestarka 1aad ee sandka 2009/2010 isaga oo ka mahadceliyay dadaalka waxbarasho ee ay ardaydu muujiyeen mudadii ay jaamacadda waxka baranayeen kulana dardaarmay in ay sii laba laabaan dadaalkooga.

Ardayda jaamacdda ayaa cabiray dareenkooda iyaga oo ku faraxsan horumarka ay ka sameeyeen dhinaca waxbarashada.

Waxay waalidiintooda iyo Maamulka Jaamacadda uga mahadceliyeen diyaarintooda iyo dhimaha campuska wayn ee leh dhamaan adeegyada waxbarasho ee lagu diyaarayay campuska.

Faraca Bosaaso ee Jaamacdda Muqdisho waxaa la furay 3/08/2008, waxaana lagu bilaabay waqtigaas sedax kuliyadood oo kala ah sharciga iyo qaanuunka, waxbarashada, iyo kuliyadda dhaqalaha iyo maamulka oo dhamaantood ka koobanaa takhasusyada: shari’a & law, social science, Math & physics, Economics, Business Administration, Accounting iyo Public Adminstration.

Sanadkana waxa lagu soo kordhiyay kuliyadda Computer Science & information technology iyo barnaamijka daraasaadka sare ee takhasuska sharciga iyo qaanuunka, waxbarashada iyo maamulka iyo maaraynta, taas oo ay jaamacadda iska kaashadaan Umdurmaan Islamic University iyo Open University Malaysia.

Source Horseedmadia Boosaaso.