| WARYAA DHOOHAN SOOMAALIYEY, DHALLAANKEEDA QALATOY, CAQLIGA GORAYO IDINKA SABATAYE XAGGEEBAAN KU SOCONNAA? |
 ACWW WARYAA DHOOHAN SOOMAALIYEY, DHALLAANKEEDA QALATOY, CAQLIGA GORAYO IDINKA SABATAYE XAGGEEBAAN KU SOCONNAA? Wacdi, waano, talo iyo digniin qaadanweyney, waan is dabargoynay, dulli, dibad joog, dal la'aan iyo dagaagnimo ayaan ku dambaynay, adduunkiina waa innaga daalay, wixii dan innoo ahaana waan ka habownay. Iimaan la'aan iyo aragtixumo ayaan la asqoownay oo hiil bidnay, Rabbi SWT waan diidnay in aan ka baqno, waana ku casinay markaan ku shukrinweyney nimcadiisa, waxaana hawl ka dhiganay in aan habeen iyo maalin gumaadno addoommadiisa aynuna xaqdarro ku daadinno dhiiggood, hantidooda iyo sharaftoodana ku xadgudubno. Waxaan ankirray, shirqoolnay, baabi'innay, booraan dheerna ku ridnay magacii, maamuuskii, maslaxaddii, jiritaankii iyo karaamadii Ummadda Soomaaliyeed adduunka ku lahaan jirtay, kuna dhaqnaan jirtay, waxaana samaynay oo aad ugu dhiirrannay fulinta ficil xun ee kasta oo ay cadowyadeennu rabeen in aan samayno, markay isugu keen dhiibeen hub aan waxba reebihayn oo aan dhammaad iyo kala go' lahayn, waxayna innoo adeegsadeen dad innaga mid ah oo aan wax damiir ah, jiir damqada iyo garasho ku filan lahayn, laguna sasabtay sandareerto. Haddii aan sidaasi run ahayn oo aan la doonihayn baaba'eenna iyo in dhulkeenna la dhaxlo, maxaa hubka qaalliga ah hibo la innoogu siiyey, xisaab la'aanna u yaal guri, garaash iyo goob kasta, isla markaasna dadka weli naftu ku jirto u waayeen raashin ay cunaan, iyagoo looga dhaartay in ay helaan fursad nabadeed iyo xasilooni ay ku shaqaystaan? Miyaanay caddayn marka in aan noqonno in hubkaas nafta lagaga qaado, dagaal joogto ahna lagu wado iyo in u dhimata macaluul, cudur, dhaawac iyo daryeel la'aan? Waryaa Soomaaliyey, caqliga gorayo idinka sabatay ee xaggeebaan ku soconnaa? Bal yaa sheegi kara halka loo qalabqaatay oo ciidammada iyo colalka la kala qoondaystay kusii jeedaan, maxaase lumay oo ay soo dhicinayaan? Waryaa iimaanlaawayaal, yaad xakumaysan haddii aad dadka xabbad ku dhamaysaan? Waryaa maanlaawayaal, warmoogayaal, magacood ba'ooyin iyo macangagiin, ma sidaas baad islaam iyo culimo ku sheeganaysaan? Nasiibdarrada weyn ee cusub waxaa maanta ah in ay weerar iyo awood sheegasho iskaga soo horjeedaan qaybo ka mid ah Culimadeennii Diinta Islaamka ee dalkeenna markii iyagana markooda lagu adeegtay, una kala firdheen sidii qarshad ama dhalo dhulka lagu dhiftay, koox walibana leedahay anigaa xaqii ku taagan, ciddii iga hortimaada oo aan ka mid ahayn taageerayaashaydana waa gaalo, waxayna wada daliilsanayaan Aayado Qur'aan ah iyo Sunnaha Nebigeenna suubban (Naxariis iyo Nabadgelyo Korkiisa Ha Ahaatee). Markii la saadaaliyo sida hadda jartu u socoto, haddii kooxaha hadda dagaallamaya ee ka soo horjeeda dawladda jirta mid ka mid ah ku adkaato dagaalka, kooxdaas ayaa haddana kala jajabaysa, dagaallo hor lihina dhexmarayaan, waxaana arrimahaas oo dhan sabab u ah danaysi gaar ahaaneed iyo iyadoon qofna qof kale waxba la doonayn, waxaana loo wada xusulduubayaa "ama aan dhinto, ama aan dhaxalka helo, goobtana aan u haro markayga", mana muuqato cid miyirqabta oo hoos u eegeysa halaagga tobanka af leh ee ummadda darxumada baday. Waryaa, yaa doqon ah oo duurka loo xulaayaa, maxaad ula jeeddaan markaad carruurta yaryar ee aan weli garaadsan ku hawlgelineysaan jahaad gala janno ayaad heleysaane? Waryaa, ma idinka jannadu jeebka idiinku jirta oo ciddaad doontaan ku abaalmarin kara? Goormuu jahaadku bannaanyahay? Adigoo islaam ah in aad islaam ku jahaaddo yaa kuu ban- neeyey? Adigu hadda ma hubtaa in aad janno geleyso? WARYAA DHOOHAN SOOMAALIYEY, SIDU WAA SIDEE? CIRIB-BEELKA DADKEENNA IYO DHAXALWAREEGGA DALKU MA INNOO DANBAA? WARYAAYA, MIYEYDINAAN OGAYN IN WAXA HUBKA LA IDIINSIIYEY AY TAHAY HOOYOO KU GO'? AMA HOOYOO KU DHIMO? WARYAA WALAALKI DILOOW WALLEE ADNA DHIMATAY OO WAXBA KAMA DAMBAYNAYSO, CIQAABTII EEBBENA WAA HALKEEDII EE ISDABA QABTA KANA BAXA WAXAAD KU JIRTAAN IYO BAASAHA AAD WALAAQAYSAN. WARYAA DAMIIR LA'AAWAYAALOOW, BAL DIB ISUGU NOQDA OO IN YAR FEKERA OO HADDII AAD ILAAH TAQAANIIN XABBADDA JOOJIYA, JOOJIYA, JOOJIYA, JOOJIYA OO WARYAA CAQLIGA GORAYO IDINKA SABATAYE XABBADDA JOOJIYA, QORIGANA ISKA DHIGA. WARYAA, JIRRAB, KADEED IYO CIQAAB ADDUUN DADKAAN UMA HARIN EE XABBADDA JOOJIYA, OO JOOJIYA XABBADDA ISMADHAANTO- YAHAY BAAS. HADDAAD CODSIGA XABBAD JOOJINTA DIIDDAAN, RABBI BAAN DHAMBAAL BARYO AH U DIRSANAYNAA SI UU IDIIN XAKAMEEYO OO DHAQSO KIIN NOOGA QABTO..DULMANAYAA BAANNU NAHAY, BARYA SHACABKANA ILAAHAY WAA AQBALAYAA, INSHAA ALLAAH. ANNAGU DIL, BARAKAC, QAXOOTI, TAHRIIB, BURCAD BADEED, DHAC IYO QABYAALAD WAAN KA DAALLAY, TABAR DAMBENA UMA HAYNNO. SIDAAS DARTEED, WAXAA SHACABKA INTOODA YAR EE NAFTU KU JIRTAA LEEYIHIIN: WARYAA, ANNAGU NABAD IYO NOLOL BAAN RABNAA. WARYAA ANNAGU DAWLAD BAAN RABNAA. WARYAA ANNAGU JIRITAAN, SHARAF, AQOON, DHAQAALE, DAAWO, WALAALNIMO, SOOMAALINIMO IYO MIDNIMAAN RABNAA, ILAAHAYANA KHEYR IYO BARKO NOOMA WAAYIN, WAANA KU KALSOONNAHAY, WAXAANUNA LEENAHAY ILAAHOOW TOOBA, ILAAHOOW TOOBA, ILAAHOOW TOOBA IYO ALLOOW CADOOWGA NAGU DHEXJIRA OO NAGA ILAAHOOW CEQAABTAADA NAGA DULQAAD, DULLIGA IYO HALAAGGA NAGU HABSADAYNA ILAAHOOW NAGA QAAD OO NASRI KHEYR IYO NABAD NOOGU BEDDEL. SHACABKA OO UU KA DHAMMAADAY DULQAADKII, IMMINKANA KA |
|
||||||||||||||||||
|
||||||||||||||||||