| Bur Bur keenay Bililiqo qeybtii labaad |
 Bur Bur keenay Bililiqo Q/2aad W/Q/Axmed Xasan Ibrahin (Axmed yare Waxaan ahaa magaalo ay dad badani ku nool yihiin, waxaa leygu sheegi jiray in aan ahay magaalada ugu dadk badan gayiga soomaaliya waxaa igu dhaqanaa dad fara badan oo isugu jira soomaali iyo ajaanib, waxaan ku caan ahaa waxyaabo farbadan sida goobo waxbarsho oo kala duwan tusaale ahaan dugsi qur’aano la hormariyay Iskuullo lagu barto qeybaha kala duwan ee culuumta iyo Jaamicado leh taqasusaad kala duwan, dharaar walbana waxaa iga soo toosi jiray Arday labisan dareeska dugsiyada kuwaasoo baryahan igu sii daba yaraa waxaa igu yaalay gooba ganacsi oo aad u heer sareeya kuwaasoo lagu iibin jiray dhamaan agabka ay u baahan yihiin bulsah weynta soomaaliyeed. Hadana waxaan u muuqdaa meel lama dagaan ah oo ay dad ugu danbeysay mudo sanada ah ka hor, marka aan is fiiriyo waxaan dareemaa caloolyow iyo uur ku taalo aad u ba’an waxaan u holadaa in ay ooyo hadana waxaan is iraah iska aamus , waxaan arkaa goobo horay u camirnaa oo cidla haawanaya,guryo ay ku dhaqnaayeen qoysas farabadan oo hada ay ku suganyihiin hal ama laba qof oo u jooga halkaasi in ay ilaliyaan alaabo guryaha yaala dadkaasi iyaga ah waxa ay ku nool yihiin nolal ay ku dheehantahay cabsi aad u badan,waxa ay ka cararaan guryahooda aroortii hore iyagoo aan hurda bogan dhanka kale waxaa jira xaafado aan gabi ahaanba lagu arkeyn dad Rayid ah oo noqday goobo ay ku tamashleeyaan ciidamada Ajaanibta ah ee ku sugan gudaheyga . goobahaasi waxaa ka mid ah:wasaaradii hore ee Gaashaan dhiga, Isbitaalkii Digfeer iyo hareerihiisa, Guryihii Saraakiisha, xeradii guul wadayaasha, Garoonkii dadnaa ee Istaadiyo Muqdisho , warshadii Hore ee Baastada iyo meel kale oo dhowr ah Waxaan arkaa Asakri kaasoo dhoof igu yimid misna ka xarimaya wadooyinkeyga dadkeygii oo isugu jira waayeel, caruur, Dumar iyo Rag intaba, calool xuma ayaa I qabata marka aan arko Askari ajnabi ah oo idul taagan misna ii diidaya in ay maraan wadooyinkeyga dadkii xaqa ii lahaa Xaajada uguboo kale ee aan abid ku riyoon ayaa waxay tahay in ay habeen walba igu hoydaan ciidama aan u dhalan dalkeyga kuwaasoo laaya dadkeyga, kufsada Gabdhihii igu dhashay ama igu soo bar baaray, mar walba oo aan maqlo qof ay dileen ama Gabar ay Kusadeen waxaan Dareenaa murogo aan miisaamni Karin taasoo ka culus waxa walboo culeys lagu sheega hadana waxaan is iraa iska samir maalin kale oo tan ka duwan ayaa iman doonta . Waxaan tabayaa saaxibo ku wada dhashay gudaheyga ku saaxibay kuna qanacsanaa inay abid ku wada noolaadaan oo maanta kala irdhoobay, oo ku kala lumay gudaheyga gobolada iyo meelo kale waalid iyo caruurtiisa oo iyana sidoo kale meel wada joogi kari waayay, sabab la xiriirta xaalada muqdsiho ee gabe dhacleyneysa misna mar walba dhan isku rogeysa Haddii aan ahay muqdisho ma arki doonaa dhamaan iyadoo ay ii idil yihiin dadkeygii ay nakala weeciyen waayaha ee hada ku sugan meelaha kala duwan mise dhici doontaa in ay soo camir maan goobaha hada la haawanaya cidlada ee ku dhow in ay noqdaan bahala galeenka W/Q Axmed Xasan Ibrahin (Axmed Yare) |
|
||||||||||||||||||
|
||||||||||||||||||